ഫ്രാൻസീസ് പാപ്പ - മാർ ആലഞ്ചേരിയും കൽദായ മക്കളും സൂക്ഷിച്ച് സംസാരിക്കുക

കഴിഞ്ഞ പത്തു മുപ്പതു വര്ഷങ്ങളായി കൽദായവാദികളുടെ ഭാഗത്ത് നിന്നും അനേകം ആരോപണങ്ങളുടെ കല്ലേറുകൾ സഹിക്കേണ്ടി വന്ന ഒരു വിശുദ്ധനാണ് ഫ്രാൻസീസ് സേവിയർ . ഇന്ത്യയിലെ ആദ്യത്തെ പുണ്ണ്യവാളൻ എന്നൊക്കെ പണ്ട് മഠത്തിലമ്മമാർ  കുഞ്ഞുങ്ങളെ പറഞ്ഞു പഠിപ്പിച്ചിരുന്ന ആ വിശുദ്ധന്റെ ചുമലിൽ  കൽദായ വാദികൾ കെട്ടിവയ്ക്കാത്ത കുറ്റങ്ങളില്ല . സുറിയാനി സഭയെ ലത്തിനീകരിച്ചവൻ, വാൾമുനയാൽ ജനങ്ങളെ മതം മാറ്റിയവൻ, ഗോവയിലെ inquisition നു ഉത്തരവാദിയായവൻ, കൊളോനിയളിസ്റ്റ്, അടിമക്കച്ഛവടക്കാരൻ, കപ്പൽ കൊള്ളക്കാരൻ എന്നുവേണ്ട അദ്ദേഹത്തിനു കൽദായർ കൊടുക്കാത്ത പേരുകളില്ല . ഇന്ത്യൻ മെയ്ഡ് വിശുദ്ധന്മാരും വിശുദ്ധാർദ്ധികളും പെരുകി വന്നപ്പോൾ വിശുദ്ധ ഫ്രാൻസീസ് സേവിയറിനെ വിസ്മൃതിയുടെ കുപ്പക്കുഴിയിലേക്ക് അവർ വലിച്ചെറിയുകയായിരുന്നു.

ഇപ്പോളിത് പറയാൻ മറ്റൊന്നുമല്ല കാരണം .  ചില പേപ്പൽ നിരീക്ഷകരുടെ അഭിപ്രായത്തിൽ പുതിയ പാപ്പ യുടെ നാമഹേതു  ഫ്രാൻസീസ് അസ്സീസി ആണെന്നാണ്‌ . എന്നാൽ ഞങ്ങളുടെ അഭിപ്രായം അതല്ല . താൻ അംഗമായ ഈശോ സഭയുടെ സ്ഥാപകരിൽ ഒരാളായ വിശുദ്ധ ഫ്രാൻസീസ് സേവിയർ നെ അനുകരിച്ചാണ് പുതിയ പാപ്പ ഫ്രാൻസീസ് എന്ന പേര് തിരഞ്ഞെടുത്തത് എന്ന് ഞങ്ങൾ വിശ്വസിക്കുന്ന .

തന്റെ സഭയുടെ സ്ഥാപകനും വിശുദ്ധനും ആയ ഫ്രാൻസീസ് സേവിയറിനെ അടക്കിയിരിക്കുന്ന ഇന്ത്യയിൽ ആ വിശുദ്ധനു സീറോ മലബാര് സഭാധികാരികളിൽ നിന്നും മാര് പവ്വത്തിൽ തുടങ്ങിയ കൽദായ വാദികളിൽ നിന്നും ലഭിച്ചു കൊണ്ടിരിക്കുന്ന അവഹേളനത്തിലും ആക്ഷേപത്തിനും  എന്ത് മറുപടിയാണ് മാർപ്പാപ്പ കൊടുക്കാൻ പോകുന്നതെന്ന് അറിയുവാൻ ഞങ്ങൾ കാത്തിരിക്കുകയാണ് . അതുപോലെ തന്നെ ഈശോ സഭക്കാരുടെ ഭാരതത്തിലെ മിഷനറി പ്രവര്ത്തനങ്ങളെ കുറച്ചു വല്ലതുമാണോ കൽദായർ ടാർ അടിച്ചു കാട്ടിയിട്ടുള്ളത് .

സീറോ മലബാർ  സഭയുടെയും പ്രത്യേകിച്ച് അതിന്റെ പരമാധ്യക്ഷൻ മാർ ആലഞ്ചേരിയുടെയും ലത്തീൻ-ഈശോസഭ -ഫ്രാൻസീസ് സേവിയർ വിരുദ്ധ നടപടികളെയും   നയങ്ങളെയും പരസ്യ പ്രസ്താവനകളെയും പറ്റി  പരിശുദ്ധ തിരു സിംഹാസനത്തിനെ എത്രയും വേഗം ബോധ്യപ്പെടുത്തെണ്ടാതാണ് .