അവര്‍ വിധവയുടെ ചില്ലിക്കാശ് മാത്രമല്ല, വിധവയെയും വിഴുങ്ങും!

കേരള കൌമുദിയില്‍ നിന്നും 

വിധവയുടെ വീട്ടിലെത്തിയ ഫാദറെ നാട്ടുകാർ പൊക്കി

വെള്ളറട: വിധവയുടെ വീട്ടിൽ ഇടയ്ക്കിടെ വരാറുള്ള ഫാദറെ നാട്ടുകാർ കാത്തിരുന്ന് പിടികൂടി പെരുമാറിയ ശേഷം പൊലീസിലേല്പിച്ചു. പരാതി നൽകാൻ ആരും മുന്നോട്ട് വരാത്തതിനാൽപൊലീസ് പള്ളീലച്ചനെ വിട്ടയച്ചു.
പാലിയോട് കഴിഞ്ഞ ദിവസം രാത്രിയിലായിരുന്നു സംഭവം. ഇവിടുത്തെ ഒരു പള്ളിയിലെ ഫാദറും ഭർത്താവ് മരിച്ച ഒരു സ്ത്രീയുമായി അവിഹിത ബന്ധമുണ്ടായിരുന്നു. ഇത് മനസിലാക്കിയ പള്ളി അധികൃതർ ഫാദറെ വട്ടിയൂർക്കാവിലേയ്ക്ക് സ്ഥലം മാറ്റി. എന്നാൽ സ്ഥലം മാറിയെങ്കിലും രാത്രികാലങ്ങളിൽ പതുങ്ങിപ്പതുങ്ങി ഫാദർ ഈ വീട്ടിലെത്താറുണ്ടായിരുന്നു.

പലവട്ടം ഇത് കണ്ട നാട്ടുകാർ ഇയാളെ പിടികൂടാനായി കാത്തിരുന്നു. അങ്ങനെയിരിക്കെയാണ് കഴിഞ്ഞ ദിവസം രാത്രി ഫാദർ വീട്ടിലേയ്ക്ക് കയറിപ്പോകുന്നത് നാട്ടുകാർ കാണുന്നത്. അയാൾതിരിച്ചിറങ്ങി വരുന്നതുവരെ നാട്ടുകാർ കാത്തിരുന്നു. പുറത്ത് വന്നതും ഇയാളെ നാട്ടുകാർപിടികൂടി കൈകാര്യം ചെയ്തു. തുടർന്ന് ആഘോഷപൂർവം ഇയാളെ പൊലീസിലേല്പിച്ചു. ഇന്നലെ ഉച്ചവരെ ഫാദർ പൊലീസ് സ്റ്റേഷനിലുണ്ടായിരുന്നു. അതുവരെ ആരും പരാതി നൽകാൻ മുന്നോട്ടുവന്നില്ല. അതിനാൽ ഫാദറിനെ വിട്ടയച്ചതായി വെള്ളറട പൊലീസ് പറഞ്ഞു.